Amas, Kidapawan City I Nobyembre 15, 2023- Sabay na nanumpa kay Governor Emmylou “Lala” J. Taliรฑo-Mendoza ang mga bagong halal na Sangguniang Kabataan Municipal Federation officers mula sa mga bayan ng Pigcawayan, Tulunan, Alamada at lungsod ng Kidapawan ngayong araw, Nobyembre 15, 2023.
Matapos ang isinagawang botohan kahapon, nahalal bilang pangulo sa bayan ng Pigcawayan si John Brandon M. Aragon, Coleen Ortizo Dela Cruz sa bayan ng Tulunan, Ronilo V. Gianan Jr. sa bayan ng Alamada at si Pearly Jean G. Balgos naman mula sa Kidapawan City.
Sa mensahe ng gobernadora matapos ang isinagawang oath taking, hinikayat nito ang mga opisyal na gampanan ng buong husay ang kanilang mga sinumpaang tungkulin upang makapagbigay ito ng inspirasyon sa mga kabataan sa buong lalawigan.
Hiniling din ni Governor Mendoza ang kanilang pakikiisa sa pagpapatupad ng mga programang isinusulong ng pamahalaang panlalawigan lalung-lalo na para sa ikakabuti ng bawat kabataang Cotabateรฑo.
Ang pormal na panunumpa ay ginanap sa Office of the Municipal Mayor, Carmen Municipal Hall na sinaksihan din nina Boardmember Ivy Martia Lei Dalumpines-Ballitoc, Joemar Cerebo Sittie Eljorie Antao-Balisi, Mayor Evangeline P. Guzman at Provincial Advisory Council (PAC) member Rosalie Cabaya.//PGO-Sopresencia Photoby:SMNanini//
