Kabataang Matalameño, aktibong lumahok sa M.A.K.E Movement Program ni Cong. Sam

Amas, Kidapawan City | Oktubre 19, 2024 – “𝑨𝒏𝒈 𝒕𝒖𝒏𝒂𝒚 𝒏𝒂 𝒔𝒖𝒌𝒂𝒕𝒂𝒏 𝒏𝒈 𝒑𝒂𝒈𝒊𝒈𝒊𝒏𝒈 𝒊𝒔𝒂𝒏𝒈 𝒍𝒊𝒅𝒆𝒓 𝒂𝒚 𝒂𝒏𝒈 𝒑𝒂𝒈𝒊𝒈𝒊𝒏𝒈 𝒎𝒂𝒔𝒊𝒑𝒂𝒈, 𝒑𝒂𝒈𝒌𝒂𝒌𝒂𝒓𝒐𝒐𝒏 𝒏𝒈 𝒕𝒐𝒕𝒐𝒐 𝒂𝒕 𝒎𝒂𝒃𝒖𝒕𝒊𝒏𝒈 𝒑𝒖𝒔𝒐, 𝒑𝒂𝒈𝒎𝒂𝒎𝒂𝒉𝒂𝒍 𝒔𝒂 𝒌𝒂𝒑𝒘𝒂 𝒂𝒕 𝒅𝒆𝒅𝒊𝒌𝒂𝒔𝒚𝒐𝒏 𝒏𝒂 𝒎𝒂𝒈𝒅𝒂𝒅𝒂𝒍𝒂 𝒔𝒂 𝒊𝒏𝒚𝒐 𝒔𝒂 𝒑𝒂𝒈-𝒂𝒏𝒈𝒂𝒕 𝒔𝒂 𝒃𝒖𝒉𝒂𝒚.”

Ito ang makabuluhang mensahe ni 3rd District Representative Ma. Alana Samantha T. Santos sa pagbubukas ng Municipal Advocates for Kabataan Empowerment (M.A.K.E) Movement kahapon, Oktubre 18, 2024 sa bayan ng Matalam na inilunsad mismo ng batang kongresista katuwang ang pamahalaang panlalawigan sa ilalim ng pamumuno ni Gov. LALA TALIÑO-MENDOZA.

Binigyang diin ni Cong. Sam na patuloy nitong itataguyod ang MAKE at iba pang programang pangkabataan kaagapay ang kapitolyo upang mahubog ang kakayahan at kapasidad ng mga ito bilang mga susunod na lider na inaasahang magiging “people of change and action”.

Binisita din nina Boardmembers Ivy Martia Lei Dalumpines-Ballitoc at Joemar S. Cerebo at Matalam Vice Mayor Ralph Ryan Rafael ang aktibidad na umaasang magiging daan ang programa upang makilala ng mga partisipante ang kanilang mga sarili at ang kanilang mahalagang papel sa pagpapaunlad ng komunidad.//idcd-pgo-mombay/PhotobyWMSamillano//