Amas, Kidapawan City| – Isang nakakamanghang Mexican inspired production number ang bumungad sa mga manonood sa isinagawang Mutya ng Cotabato (MNC) Talent Night nitong Lunes ng gabi, ika-21 ng Agosto, taong kasalukuyan.
Bitbit ang banners at malalaking larawan ng kanilang sinusuportahang kandidata, napuno ng hiyawan at masigabong palakpakan ang Kabacan Municipal Gymnasium, matapos makita ng manonood ang kani-kanilang mga pambato na rumarampa sa entablado.
Kabilang sa mga tampok na presentasyon ng mga labinlimang nagagandahang dilag ang katutubong sayaw at kanta, dance interpretation, vocal solo, pag-arte at declamation na nagpapakita hindi lamang ng natatanging talento at ganda ng Cotabateรฑa kundi ng mayamang kultura, kasaysayan at tradisyon ng lalawigan ng Cotabato.
Humanga at napa-“Wow” naman si actress/model at Miss Universe 2013 3rd Runner Up Ariela Arida na siyang naging host ng naturang patimpalak sa bonggang paghahanda ng lalawigan para sa naturang aktibidad.
Sa kanyang mensahe, inihayag ni Governor Emmylou “Lala” Taliรฑo Mendoza ang kanyang kagalakan at pinasalamatan ang host municipality sa pamumuno ni Mayor Evangeline P. Guzman at organizers ng aktibidad sa pangunguna ni Vice Mayor Ralph Ryan H. Rafael.
Sinabi rin nito, “๐ญ๐๐๐๐๐๐๐๐๐๐ ๐๐๐๐๐ ๐๐ ๐๐๐๐๐๐๐๐. ๐ฏ๐๐๐ ๐๐ ๐ช๐๐๐๐๐๐๐ ๐ท๐๐๐๐๐๐๐ ๐๐ ๐ ๐ ๐๐ ๐ ๐๐๐๐๐๐๐๐๐๐. ๐ฌ๐๐๐๐ ๐๐๐๐, ๐๐ ๐๐๐๐๐๐ ๐ ๐ ๐๐๐๐๐๐ ๐๐๐ ๐๐๐๐๐๐๐๐๐ ๐๐๐๐๐ ๐๐๐ ๐๐๐ ๐๐๐๐๐๐ ๐๐๐๐ ๐๐ ๐๐๐๐ ๐๐ ๐๐๐๐ ๐๐๐๐ ๐๐ ๐๐ ๐๐๐๐๐๐ ๐๐๐ ๐๐๐ ๐๐๐๐๐๐๐๐๐ ๐ช๐๐๐๐๐๐๐รฑ๐.”
Samantala, napiling top 5 sa nabanggit na kompetisyon ang sumusunod na mga kandidata:
#10 Clarissa Marie Angelina G. Westram โ Sangguniang Kabataan Provincial Federation โ Cotabato Province
#4 Halimah P. Simpal โ LGU Carmen
#12 Viena Tiessa L. Sacayanan โ LGU Mlang
#7 Cathleen Angelie C. Abler โ Vice Mayors League of the Philippines
#5 Kathleen D. Catilo โ LGU Libungan
Ang mapipiling best in talent ay idedeklara sa darating na Pageant Night sa Agosto 25, 2023 na gaganapin sa Provincial Capitol Gymansium,Amas, Kidapawan City na dadaluhan ng maraming guest celebrities sa larangan ng pageant at showbiz.
Ang MNC ang isa sa pinaka-aabangang aktibidad sa pagdiriwang ng Kalivungan Festival kada taon na hinahangaan hindi lamang sa rehiyon kundi sa buong Pilipinas dahil na rin sa world class nitong produksyon.
Sa katunayan nasa pangatlong puwesto ito sa Best Local Pageant of 2022 sa buong Pilipinas batay na rin ebalwasyon ng Philippines Pageant Evaluation and Awards.//idcd-pgo-sotto//
RGSopresencia,SMNanini&WMSamillano
