𝐀𝐛𝐚𝐜𝐚 𝐬𝐭𝐫𝐢𝐩𝐩𝐢𝐧𝐠 𝐦𝐚𝐜𝐡𝐢𝐧𝐞𝐬, 𝐦𝐚𝐩𝐚𝐩𝐚𝐤𝐢𝐧𝐚𝐛𝐚𝐧𝐠𝐚𝐧 𝐧𝐚 𝐧𝐠 𝐦𝐠𝐚 𝐤𝐚𝐭𝐮𝐭𝐮𝐛𝐨𝐧𝐠 𝐚𝐛𝐚𝐜𝐚 𝐟𝐚𝐫𝐦𝐞𝐫𝐬 𝐦𝐮𝐥𝐚 𝐬𝐚 𝐛𝐚𝐲𝐚𝐧 𝐧𝐠 𝐌𝐚𝐤𝐢𝐥𝐚𝐥𝐚 𝐚𝐭 𝐌𝐚𝐠𝐩𝐞𝐭

𝐀𝐦𝐚𝐬,𝐊𝐢𝐝𝐚𝐩𝐚𝐰𝐚𝐧 𝐂𝐢𝐭𝐲| 𝐇𝐮𝐧𝐲𝐨 𝟏𝟒, 𝟐𝟎𝟐𝟑- “𝘕𝘢𝘨𝘢𝘱𝘢𝘴𝘢𝘭𝘢𝘮𝘢𝘵 𝘬𝘢𝘮𝘪 𝘴𝘢 𝘢𝘣𝘢𝘤𝘢 𝘴𝘵𝘳𝘪𝘱𝘱𝘪𝘯𝘨 𝘮𝘢𝘤𝘩𝘪𝘯𝘦 𝘯𝘨𝘢 𝘨𝘪𝘩𝘢𝘵𝘢𝘨 𝘴𝘢 𝘢𝘮𝘰𝘯 𝘴𝘢 𝘱𝘳𝘰𝘷𝘪𝘯𝘤𝘪𝘢𝘭 𝘨𝘰𝘷𝘦𝘳𝘯𝘮𝘦𝘯𝘵 𝘴𝘢 𝘱𝘢𝘨𝘱𝘢𝘯𝘨𝘶𝘯𝘢 𝘯𝘪 𝘎𝘰𝘷𝘦𝘳𝘯𝘰𝘳 𝘓𝘢𝘭𝘢 𝘬𝘢𝘺 𝘥𝘢𝘬𝘰 𝘨𝘪𝘥 𝘪𝘯𝘪 𝘮𝘢𝘣𝘶𝘭𝘪𝘨 𝘱𝘢𝘳𝘢 𝘮𝘢𝘴 𝘱𝘢𝘴𝘱𝘢𝘴 𝘯𝘨𝘢 𝘮𝘢𝘱𝘳𝘰𝘴𝘦𝘴𝘰 𝘢𝘯𝘨 𝘢𝘮𝘰𝘯 𝘱𝘳𝘰𝘥𝘶𝘬𝘵𝘰 𝘬𝘢𝘨 𝘮𝘢𝘣𝘢𝘬𝘢𝘭 𝘴𝘢 𝘮𝘢𝘴 𝘵𝘢𝘢𝘴 𝘬𝘢𝘨 𝘳𝘦𝘴𝘰𝘯𝘢𝘣𝘭𝘦 𝘯𝘨𝘢 𝘱𝘳𝘦𝘴𝘺𝘰.”

Ito ang naging mensahe ni Ginoong Ernie M. Macalos presidente ng Barangay Batasan, Buhay, Biangan and Buenavida (4Bs) Abaca Association mula sa bayan ng Makilala matapos nitong tanggapin kasama ang miyembro ng asosasyon ang P230,000 na abaca stripping machine mula sa pamahalaang panlalawigan ng Cotabato ngayong araw.

Hindi naman maipaliwanang ng Tahamaling, Pandanon and Tausuvan Bongolanon Abaca Association mula sa Barangay Bongolanon Magpet ang kanilang kasiyahan sa pangunguna ni Rodrigo Landas dahil sa wakas ay mayroon na silang makinaryang magagamit upang mabilis na maproseso ang kanilang produkto at matiyak na ito ay dekalidad at maibebenta sa mas mataas na presyo sa merkado.

Ang pamamahagi ng dalawang stripping machine na may kabuoang halaga na abot sa P460,000 ay isang espesyal na programa para sa IPs sa ilalim ng opisina ni Governor Emmylou “Lala” Taliño Mendoza.

Upang matiyak ang kalidad ng ipinamahaging makinarya at mabigyan din ng tamang kaalaman ang mga asosasyon hinggil sa tamang paggamit at pag-aalaga nito, nagsagawa muna ng demonstration at testing ang Office of the Provincial Agriculturist (OPAg) kasama ang supplier ng produkto.

Sa kanyang mensahe, ipinaabot ni 2nd District Board Member Ryl John Caoagdan, ang kayang pagbati sa mga mapapalad na benepisyaryo at nagpaalala na gamitin ng wasto at tama ang makinaryang ibinigay ng probinsya upang makatulong ito sa paglago ng kanilang organisasyon at pamumuhay.

Nasa nasabi ring aktibidad na ginanap sa Provincial Agri Center Covered Court, Amas, Kidapawan City sina Acting Provincial Agriculturist Remedios Hernandez, IP Affairs Focal Person Lito Palma, at iba pang personahe ng OPAg.//idcd-pgo-sotto//