Amas, Kidapawan City| Mayo 8, 2023- Sa kabila ng init ng panahon, hindi nagpatinag ang mga residente ng Brgy. Malamote at Katidtuan, Kabacan, Cotabato masaksihan lamang ang turnover ng bago nitong konkretong daan na pinangunahan ni Governor Emmylou “Lala” Taliรฑo Mendoza.
Ang nasabing road concreting project with box culvert ay may habang 1.048 kilometro at nagkakahalaga ng P13M na pinondohan ng pamahalaang panlalawigan ng Cotabato sa ilalim ng 2022 20% Economic Development Fund.
Sa kanyang mensahe, pinasalamatan ni Mayor Evangeline P. Guzman ang pamunuan ni Gov. Mendoza sa buhos na programa, proyekto at suporta na ibinigay nito sa bayan ng Kabacan kasama si 3rd District Representative Ma. Alana Samantha Taliรฑo-Santos.
Ang aktibidad ay sinaksihan din nina 3rd District Board Members Jonathan Tabara, Ivy Dalumpines-Ballitoc at Joemar Cerebo, Kabacan Vice Mayor Herlo Guzman, Former Board Member Albert Rivera, Provincial Engr. Espiridion Taladro, at mga opisyal ng barangay Katidtuan at Malamote.//idcd-pgo-sotto/PhotobyLAdelaCruz//
