𝐒𝐊𝐏𝐂, 𝐦𝐚𝐤𝐮𝐥𝐚𝐲 𝐚𝐭 𝐦𝐚𝐬𝐚𝐲𝐚𝐧𝐠 𝐧𝐚𝐠𝐛𝐮𝐤𝐚𝐬 𝐬𝐚 𝐛𝐚𝐲𝐚𝐧 𝐧𝐠 𝐓𝐮𝐥𝐮𝐧𝐚𝐧

𝐀𝐦𝐚𝐬, 𝐊𝐢𝐝𝐚𝐩𝐚𝐰𝐚𝐧 𝐂𝐢𝐭𝐲- Sa kabila ng maulan at malamig na panahon, maaliwalas na mukha at mainit na ngiti ang salubong ng mga batang Tulunense sa pagbubukas ng Summer Kids Peace Camp sa bayan ng Tulunan nitong Biyernes, Hunyo 16 2023.

Ayon kay Ginang Edna T. Castillo, guro at pack chief mula Tulunan South District, walang paglagyan ang tuwa at pananabik ng mga batang campers mula sa Sibsib Elementary School ng malamang kasali sila sa tatlong araw na libreng camping na handog ng pamahalalaang panlalawigan sa pangunguna ni Governor Emmylou “Lala” Taliño Mendoza.

“𝑮𝒓𝒂𝒃𝒆 𝒈𝒊𝒅 𝒌𝒂 𝒆𝒙𝒄𝒊𝒕𝒆𝒅 𝒂𝒏𝒈 𝒎𝒈𝒂 𝒃𝒂𝒕𝒂 𝒔𝒂 𝒆𝒗𝒆𝒏𝒕, 𝒃𝒊𝒔𝒂𝒏 𝒏𝒂𝒈𝒂𝒖𝒍𝒂𝒏 𝒎𝒂𝒌𝒊𝒕𝒂 𝒎𝒐 𝒔𝒂 𝒊𝒍𝒂 𝒂𝒏𝒈 𝒆𝒂𝒈𝒆𝒓𝒏𝒆𝒔𝒔 𝒕𝒐 𝒍𝒆𝒂𝒓𝒏 𝒂𝒏𝒅 𝒆𝒏𝒋𝒐𝒚 𝒕𝒉𝒆 𝒂𝒄𝒕𝒊𝒗𝒊𝒕𝒚.”

Excited rin si lola Josie T. Tacalan, ng Purok 5, Bual, Tulunan, Cotabato para sa kanyang apo na si Jyne S. Tacalan na isa sa nagpakitang gilas sa drum and lyre corp parade and exhibition na siyang naging tampok sa pagbubukas ng aktibidad.

Ayon sa kanya,” 𝑬𝒙𝒄𝒊𝒕𝒆𝒅 𝒈𝒊𝒅 𝒂𝒏𝒈 𝒂𝒌𝒐𝒏 𝒂𝒑𝒐 𝒑𝒂𝒓𝒂 𝒔𝒊𝒏𝒊 𝒏𝒈𝒂 𝒄𝒂𝒎𝒑𝒊𝒏𝒈, 𝒃𝒊𝒔𝒂𝒏 𝒂𝒌𝒐 𝒏𝒈𝒂 𝒍𝒐𝒍𝒂 𝒆𝒙𝒄𝒊𝒕𝒆𝒅 𝒎𝒂𝒏 𝒏𝒈𝒂 𝒎𝒂𝒌𝒊𝒕𝒂 𝒂𝒏𝒈 𝒂𝒌𝒐𝒏 𝒂𝒑𝒐 𝒏𝒈𝒂 𝒎𝒂𝒈𝒔𝒂𝒐𝒕.”

Naghandog din ng isang sayaw ang Sibsib Elementary School kung saan ipinakita nito sa kanilang presentasyon ang tatlong tribung mapayapang namumuhay sa lalawigan ng Cotabato.

𝐌𝐞𝐧𝐬𝐚𝐡𝐞 𝐧𝐠 𝐩𝐚𝐬𝐚𝐬𝐚𝐥𝐚𝐦𝐚𝐭

Samantala, isang malakas na,”𝑻𝒉𝒂𝒏𝒌 𝒚𝒐𝒖 𝑮𝒐𝒗𝒆𝒓𝒏𝒐𝒓 𝑬𝒎𝒎𝒚𝒍𝒐𝒖 “𝑳𝒂𝒍𝒂” 𝑻𝒂𝒍𝒊ñ𝒐 𝑴𝒆𝒏𝒅𝒐𝒛𝒂, ” naman ang sabayang isinigaw ng 1,278 Grade 5 pupils sa opening program ng nasabing aktibidad na ginanap sa Tulunan National High School Grounds na pinangunahan ng Provincial Accounting Office at opisina ni 3rd District Representative Ma. Alana Samantha T. Santos.

Sa kanyang mensahe, pagsaludo at pasasalamat ang ipinaabot ni Tulunan Mayor Reuel Limbungan sa importansyang ibinibigay ni Governor Mendoza sa sektor ng kabataan. Ayon sa alkalde, isang espesyal na programa ang SKPC dahil ito ay nakasentro sa kapayapaan, pagkakaisa at respeto sa kabila ng pagkakaiba-iba ng paniniwala, relihiyon at kultura.

Bilang kinatawan ng gobernadora, personal namang ipinaabot ni Boardmember Joemar S. Cerebo ang kanyang pasasalamat sa Department of Education Cotabato Division, lokal na pamahalaan ng Tulunan at iba’t ibang ahensya na naging katuwang ng probinsya na maitaguyod ang nasabing programa..

Ang pagbubukas ng Summer Kids Peace Camp ay sinaksihan din nina Boardmember Ivy Dalumpines Ballitoc, Former PCL President at Provincial Advisory Council Member Albert Rivera, Tulunan Vice Mayor Abraham Contayoso, Tulunan South District Supervisor Cyrel Defensor, Tulunan East District Supervisor Rex Geneblaza, Tulunan North District Supervisor Aurelio Montiales, school heads, representante mula sa Bureau of Fire Protection (BFP), Philippine National Police (PNP) at iba pang stakeholders.//idcd-pgo-sotto/PhotobyRGSopresencia//