Pinasalamatan ng pamahalaang panlalawigan ng Cotabato sa pangunguna ni Governor Emmylou “Lala” J. Taliño-Mendoza ang suporta at tulong na ipinagkaloob ng Department of Science and Technology (DOST) sa ilang asosasyon ng lalawigan.
Sa ginanap na Memorandum of Agreement Signing ngayong araw Hunyo 17,2025 sa pagitan ng DOST at pitong mga asosasyon na benepisyaryo ng programang Community Empowerment Through Science and Technology (CEST) ng DOST na naglalayong matulungan ang marginalized communities, inihayag ng gobernadora kasama si Vice Governor-elect Ella T. Taray ang malaking kontribusyon ng naturang proyekto sa mga komunidad lalo na sa pagbibigay ng teknolohiya at kasanayang kinakailangan.
Naging panauhin din sa aktibidad si DOST XII Regional Director Engr. Sammy P. Malawan, at DOST Provincial Director Dr. Michael T. Mayo, kung saan tiniyak ng mga ito ang kahandaan ng kanilang tanggapan na magbibigay ng kaukulang tulong sa mga lokal na pamahalaan na nangangailangan ng technical assistance.
Kabilang sa mga proyektong itataguyod ng DOST-CEST sa lalawigan ay ang sumusunod:
-Deployment of Vertical Helophyte System for Rubber Facility Wastewater Treatment of Farmer’s Coop sa Brgy. Gastav, Banisilan;
-Upgrading of Poultry and Salted Egg Production Project sa Balabag Elementary School, Kidapawan City;
-Establishment of Hydraulic Rum Pump sa Antipas Eco-park at Demo Farm for Sustainability;
-Enhancing Agro-Aqua Integrated Farming for Self-Sustaining Resources to Feeding Programs and Outreach Efforts Among IPs and Vulnerable Communities, Rotary Club of Mt. Apo Kidapawan City;
-Empowering Local Communities through Bakery Enterprise: A Livelihood Initiative in Pikit, Cotabato;
-Empowering TODA through E-Mobility: A DOST-Supported Study onc-Trike for Smart and Sustainable Communities; at
-Microbial Inoculants Production in Support to Community Organic Farming
Nakiisa rin sa nabanggit na MOA signing sina Kidapawan City Schools Division Superitendent Miguel Fillalan, Board Member Ivy Dalumpines-Ballitoc, Antipas Municipal Mayor Cris Cadungon at representante ng mga asosasyon. //idcd-pgo-sotto/photobyWMSamillano//
