Amas, Kidapawan I Oktubre 3, 2024 – Hinihikayat ng pamahalaan sa pamamagitan ng Civil Service Commission No. 40, series of 2017 ang lahat ng mga ahensya nito na suportahan ang “Values Restoration Program” na inaasahang magbibigay solusyon sa isyu hinggil sa “graft and corruption, inefficiency and broken working relationships between government employees.”
Alinsunod nito, nagtalaga si Cotabato Governor Emmylou “Lala” J. Taliño-Mendoza ng mga indibidwal na tatayong Values Restoration Officers (VROs) sa lahat ng departamento ng kapitolyo na siyang mangunguna sa “7-20 minutes weekly values focus discussion” na magbibigay daan upang mapaalalahanan ang buong “workforce” ukol sa pagpapanatili ng pananalig at takot sa Diyos, pagkakaroon ng disiplina, katapatan at magandang pag-uugali sa lahat ng oras.
Kaugnay nito, sinimulan nang ibinahagi kamakailan lang ang “Lecture on Values Restoration” sa Provincial General Services Office (PGSO), Provincial Legal Office (PLO), Provincial Cooperative Development Office (PCDO), Arakan Valley District Hospital (AVDH), Integrated Provincial Health Office (IPHO), Office of the Provincial Vice Governor and Sangguniang Panlalawigan (OVSP), Provincial Budget Office (PBO) at Cotabato Provincial Hospital (CPH). Ito ay pinangunahan ni Serbisyong Totoo Moral Recovery Program Focal Person Pastor Lito Dalisay, katuwang ang tanggapan ni Provincial Human Resources Office (PHRMO) Acting Department Head Reinalyn F. Nicolas.//idcd-pgo-frigillana/photoby:Pastor LDalisay
