𝗕𝗮𝗿𝗮𝗻𝗴𝗮𝘆 𝗠𝗼𝗹𝗼𝗸 𝘀𝗮 𝗯𝗮𝘆𝗮𝗻 𝗻𝗴 𝗣𝗶𝗴𝗰𝗮𝘄𝗮𝘆𝗮𝗻, 𝗯𝗲𝗻𝗲𝗽𝗶𝘀𝘆𝗮𝗿𝘆𝗼 𝗻𝗴 𝗿𝗼𝗮𝗱 𝗰𝗼𝗻𝗰𝗿𝗲𝘁𝗶𝗻𝗴 𝗽𝗿𝗼𝗷𝗲𝗰𝘁 𝗺𝘂𝗹𝗮 𝘀𝗮 𝗞𝗮𝗽𝗶𝘁𝗼𝗹𝘆𝗼

“𝐁𝐢𝐥𝐚𝐧𝐠 𝐧𝐚𝐧𝐚𝐲 𝐧𝐠 𝐛𝐚𝐫𝐚𝐧𝐠𝐚𝐲, 𝐬𝐚𝐦𝐩𝐮 𝐧𝐠 𝐚𝐤𝐢𝐧𝐠 𝐦𝐠𝐚 𝐤𝐚𝐬𝐚𝐦𝐚𝐡𝐚𝐧𝐠 𝐨𝐩𝐢𝐬𝐲𝐚𝐥𝐞𝐬, 𝐭𝐚𝐨𝐬 𝐩𝐮𝐬𝐨 𝐩𝐨 𝐤𝐚𝐦𝐢𝐧𝐠 𝐧𝐚𝐠𝐩𝐚𝐩𝐚𝐬𝐚𝐥𝐚𝐦𝐚𝐭 𝐬𝐚𝐲𝐨 𝐆𝐨𝐯. 𝐋𝐚𝐥𝐚 𝐬𝐚 𝐧𝐚𝐩𝐚𝐤𝐚𝐥𝐚𝐤𝐢𝐧𝐠 𝐩𝐫𝐨𝐲𝐞𝐤𝐭𝐨𝐧𝐠 𝐢𝐩𝐢𝐧𝐚𝐠𝐤𝐚𝐥𝐨𝐨𝐛 𝐦𝐨 𝐬𝐚 𝐚𝐦𝐢𝐧 𝐝𝐢𝐭𝐨 𝐬𝐚 𝐁𝐚𝐫𝐚𝐧𝐠𝐚𝐲 𝐌𝐨𝐥𝐨𝐤. 𝐈𝐭𝐨 𝐚𝐲 𝐧𝐚𝐩𝐚𝐤𝐚𝐥𝐚𝐤𝐢𝐧𝐠 𝐭𝐮𝐥𝐨𝐧𝐠 𝐩𝐨 𝐬𝐚 𝐚𝐦𝐢𝐧 𝐝𝐚𝐡𝐢𝐥 𝐧𝐚𝐩𝐚𝐤𝐚𝐥𝐚𝐲𝐨 𝐩𝐨 𝐧𝐚𝐦𝐢𝐧 𝐬𝐚 𝐛𝐚𝐲𝐚𝐧.”

Ito ang mensaheng ipinarating ni Molok Barangay Chairman Mohmina P. Marfil matapos personal na iturnover nitong Enero 10, 2024 ni Governor Emmylou “Lala” Taliño-Mendoza ang road concreting project sa kanyang barangay.

Ang naturang proyekto ay may habang 931 metro na pinondohan ng P9,991,450.09 ng pamahalaang panlalawigan ng Cotabato na dala ay ginhawa sa mga motorista, commuters at magsasaka na naghahatid ng kanilang produkto sa bayan.

Sa kanyang naging mensahe, hiniling ni Governor Mendoza sa mga opisyales at residente na tulungan ang pamahalaang panlalawigan at adbokasiyang serbisyong totoo sa pagmonitor ng mga proyektong ipinapatupad sa kanilang barangay upang matiyak na mapapakinabangan nang husto ng mamamayan.//idcd-pgo-sotto/PhotobySMNanini//